Sa White House ni siya. Usa sa mga kaliguanan sa Bato nga nindot na, libre pa ug landong pa jud. Kasagaran, mga bata ang maligo dinhing dapita para di kaayo sila mainitan labi na nindot ikaligo kung udtong-tutok. Og kanang dakong bato diha sa taliwala sa dagat nagsilbing ambakanan nila para mas exciting ang pangaligo. O, unsa pay inyong gihulat? Hala, DIVE!!!!
Part gihapon ni siya sa dagat dapit sa White House. Gaatubang lang ni siya sa port. Mao na siya ang bag-ong pantalan sa Bato diin ang roll-on/roll-off nga LITE SHIPPING maoy tigdunggoan. Sauna dako pa na siya kaayo nga hawan diha. Usahay gani, tig-agian ang mga dagkong isda diha labi na mga shark o iho para sa mga lokal. Bisan naa nay barko, wa gihapon kini nakapausab sa kanindot sa among dagat.
LITE SHIPPING
Kanang mga bata nga nagpatong diha sa dakong bato nga gaatubang sa barko mangambak na sila. Bisan sa kalinghod sa ilang pangidarun, halos tanan mga bata diri sa Bato, makabalo jud molangoy labi na kay duol kaayo ni sa dagat. Og halos tanan sad nila dili mahadlok sa pag-adto bisan lalom nga dapit sa dagat.
Usa sa labing nindot kaayo nga kaliguan sa Bato diin makita nato kung unsa ka tin-aw ang kadagatan. May hugaw man, pero gamay ra jud imu makit-an diri. Usa sa mga hinungdan kay ang dagat dinhi gintawag og Tañon Straight unya kining Bato maoy pinakatumoy nga barangay sa Cebu. Pasabot nga posibling mukusog jud ang current or sulog. Mao nga way hugaw or sagbot nga magpabilin dinhi.
Pagkanindot gayud kaliguan. Ali salom ta sa mala kristal nga kadagatan sa Bato.
No comments:
Post a Comment