Ang White House sa Bato maoy usa sa mga nindot nga kaliguanan mapa taga laing lugar man or taga-Bato. Kini tungod kay puti kaayo ang kabaybayunan niini og na sad gamay nga shading gikan sa dako nga kahoy. Bisan karun nga naa nay gitukod nga pantalan niining dapita, naapektuhan man pero gamay ray nausab sa beauty niini. Kanang pangpang diha or kanang dakong bato diha gatindog na siya sa madugay na kaayong panahon bisan unsa pa kakusog nga balod ang niagi.
Ingon niini kanindot ang dagat diha sa White House kung dako ang dagat o taob( high tide).
Og mudako na gani ang dagat, daghan jud nang maligo or mag-picnic ba, dayon ambak anang dakong bato nga kung ting-taob gani, halos matabunan na siya.
Makita nato si nanay( sorry wa jud ko kaila, wa pa man gud ko natawo ana nga time). Tan-awa nang bato nga iyang gisandigan, ikumpara atong bato sa unang picture. Unsa inyo nabantayan? Diba pareha? Mao na siya saunang panahon. Puti sad ang bonbon og bato niini.
Hasta sad ning duha nato ka paryente nga nag-date diha sa pangpang. Tan-awa pag-ayo kung unsa nay kalahian sa White House karun og sauna.
Karun ingun ani na lang pero nindot man gihapon. Gamay ra sad ang nausab. May na lang kay wa nahugaw bisan naa nay tigdunggoan nga Lite Shipping.
Now and Then..........Bato is Bato.
